السلام عليكم شخباركم
ماحب المقدمات ندخل بصلب الموضوع
تعرفون أنا الحين أقول خلاص بشتري كل الأشياء الي نسوي فيها كب كيك وببدأ أتعلم أسوي وبشتري كتب عنه أحس حلوو وااو من بعد ماجفت هاالموضوع
الكب كيك بعجينة المارزبان الجاهزة وتكون بعدة الوان منها الابيض والاصفر والابيض المائل لرمادي
وهي عبارة عن عجينة سكر ولوز وفانيلا تباع جاهزة في قسم الحلويات
وتستخدم في تغليف جميع انواع الكيك ولجميع المناسبات وسهلة في التعامل حيث انها مثل عجينة الصلصال
تتشكل حسب رغبتك وبراعتك ويمكنك تلوينها بالألوان الاصطناعية سواء بوضعها بالعجينة نفسها
او برسم عليها والتلوين بالفرشاة
وبتحتاجين الي هذه المواد لرسم والتشكيل
الوان طعام + فرشاة رسم ناعمة
قطاعات بأحجام واشكال مختلفة
قطاعات خاصة بعجينة المارزبان
لوح بلاستيك خاص بعجينة المارزبان يستخدم في تسوية وتسطيح العجينة.
وطبعا ورق الشمع + الكب كيك (( وتقدرين تشترين جميع الادوات من سبينس وتشترين الكب كيك الجاهز))
الطريقة
ناخذ قطعة من عجينة المارزبان الجاهزة ونفردها على ورق الشمع بهذه الطريقة
واذا حسيتي انها بتلزق معاج ضيفي لها السكر البودرة ولوني العجينة اذا
حابة بوضع اللون لها واذا مش حابه
اتركي التلوين في الرسم فقط..
من خلال القطاعات اختاري الشكل والحجم المناسب لقياس الكب كيك ...واقطعيه
خذي الشكل اللي سويتيه وحطيه مباشرة على الكب كيك ..
وفي الصورة كنت محددة شخصية من شخصيات افتح يا سمسم
تاخذين القطاعات الدائرية الاصغر حجما.. وتبدين تشكلين الشخصية
برسم الملامح من العينين والفم .. اما الانف فيكون بارز وعبارة عن قطعة صغيرة من العجينة
تكورينها وتلزقينها ويكون اول نموذج جاهز بهاطريقة
النموذج الثاني (( الليدي بيرد)) او الخنفسانة الحمرا
وبنفس الطريقة نقطع العجينة ونلزقها على الكب كيك وبعدها نبدأ نرسم
والنتيجة النهائية تكون بهاطريقة
النموذج الثالث (( سبونج بوب))
وفي هذا النموذج بعد ما نلون القاعدة بألأصفر
نقطع العين بحجمين القاعدة البيضا والقاعدة الزرقا
بعدين نبدا برسم الخدود والفم (( كوني دقيقة))
ثبتي الانف وخليه بارز وثبتي الاسنان وبعد خليها بارزة
وبيكون معاج بهذا الشكل
اتمنى تكون طريقة عجينة المارزبان الجاهزة تكون سهله وعرفتوا طريقة استخدامها
اذا كانت الطريقة سهلة بتكون باقي التطبيقات ممتعة بنسبالكم
وبتلاقون عماركم تبون تسوون اكبر كمية من الكيك والاشكال
اهم شي انكم تتقنون دمج الالوان والرسم والباقي كله سهل بيكون
اتركم مع باجي النماذج والتطبيقات
ماركة بربري
ماركة لويس فيتون
هالوكيتي
هالوين
وهذه افكاري في الكب كيك بعجينة المارزبان ارجوا ان تنال اعجابكم
اذكروا الله وصلوا على نبية محمد صلى الله عليه وسلم
ممنقـول الحقوق المحفوظة لغالية المري
الجمعة ديسمبر 11, 2009 7:22 pm
