تعالـوا معاً ندردش عن المدرسـهـ وسوالفها ومواقفها

السلام عليكم ورحمة الله وبركاتهـ
•
•
يت على بالي فكرة

هي أننا نقول في هذا الموضوع


مثلاً هذي السنة حلوة ولا؟

قولي كل مادة هل تحبين معلمتها؟

شو بنات صفج زينات؟

كم عدد ربيعاتج

هذي الأسئلة والسوالف لهذي السنة

أما لكل السنوات

فقولي السوالف متى شردتي من الحصص شو أحسن أبلة.؟(معلمة)

ويعني السوالف..الي صآرت بالسنوات الي فاتت

وشكرأ جزيلاً

لكل من البنات الي بيتعاونون معانا

أمااااااااانهـ بأعناقكم ردووووا بالله علييكم ولاتزعلوني

ترا في ووااااااايد مواضيع ولا رد فييها وأنا أزعل واااااايد

الموضوع غيـر منقووووول

وأي وحدة تبا تنقلة تكتب المصدر

وهذي من أقكاري

وأي وحدة ترد تخبر عضوة تبيهها ترد بالرسايل وإن شاء الله بترد

أبي أدش يوم من الأيام وأجوف 10 ردود

وممنوع تكون ردود سطحية

حرآآم ولا رد؟؟ صراحة هميتيني وايد شوو هااااا؟؟؟؟؟؟؟؟؟!
يلا أنا بجاوب

يوم كنت صف سادس كنت أشرد من حصـة الموسيقى وفي مرة كنا أول سنة بالمدرسة يعني بصف سادس أول يوم الحصة الثانية تحريناها فسحة طلعنا أنا وربعى 3 يالسين نتمشى وبعدين قلنا الشمس حارة خل نرجع الصف لما رجعنا كان علينا علوم والأبلة تقول وين كنتو؟ واابوي أنا يالسة أرتجف وأربيعتي تقول أبلاا كنا نتحرا فسحة جان تقول الله؟؟فسحة عيل يلا دشوو هذي الحصة الثانية بقت حصة والفسحة تيي عقب يلسنا وأنا منحرررررجة واايد


مثلاً هذي السنة حلوة ولا؟ مش حلوا لأن ربيعاتي مال صف سادس محد اهئ بس يمكن 4 بنات

قولي كل مادة هل تحبين معلمتها؟

عربي:أحبها
علوم:أحبها
تربية إسلامية:أحبها
رياضيات:ماحبها
إجتماعيات:بين وبين
رياضة:أكرهاا
موسيقى:الحمدالله ماندرس
تربية وطنية:هيه تحبني وأنا ماحبها بعض الأوقات
ومادري لو نسيت مادة
شو بنات صفج زينات؟بعضهم زينات وبعضهم شينات

بســـــ،عندي سوالف وااااايد
في مرة كان أول سنة صف سادس كان كششششخهـ أما سابع لووعة جبد ..المهم حصة اللأنجليزي ملل وضيج وتييب النوم قلت أنا وربيعتي نشرد وسرنا شردنا قبل لا تيي الأبلة وبعدين نحن يالسين أنراقب الأبلة متى تدش وبعديين فجأة صدت ويها لنا وجافتنا ونحن نرررركض والأبلة تقوولنا ماعلييهـ تعااااالوا يلاا ونحن نرركض بعدين دشت وطرشت بنت من البنات أييون ييبونا ويت يالسة تسحبنا ونحن نقول نستحيي ما بنسيير وهي تقول تعالو عادي والله وتسحبنا بعدين يت الأبلة ربيعتي نجت شررردت بعييييد مادري وين أنخشت وتقول يلا تعالي جان أسير ونا مستحية محمر ويهي ترا أنا بييضة فيقولولي دووم أنتي طماطة والمعلمة تقولي يا طماطم تعالي بسرعة وين ربيعتج؟؟ وأنا أقولها ربيعتي ماعرف وين جان تقةل شسمها؟؟ قلتلها (فلانة بنت فلان) وبعدين جان تسير لللأخصائية وخبرتها عنا وعقب من ذاج اليوم أصطلبنا أنا وربيعتي والحين يوم نتذكر نقعد نضضضحك نمووت من الضحك

في مواقف بس ما بقولها مرة وحدة

أشكرتج ع الرد ردج طوييل ماشاالله أبي أغلبج يلاا إلى التحدي

تعرفون يوم كنت صف خامس لاهـ كنا أنا وأختي نتمنى أننا نحط تقويم

عقب يبت بلاستيك حطيته فضروسي ترا ضروسي منكسرة الي ورى وللحين

ما ظهرت لي يديدهـ فأحط البلاستيك ويبين تقويم أما أختي ما تقدر لأن ضروسها كاملة

وبعدين لبست هـ البلاستيك وسرت المدرسة أوني ماقدر أتكلم يالسة أتكلم جنه وحدة حاطة

تقويم والبنات يقولولي بطلي حلجج أنا أقول مم أمم ممأم بعدين بطلت حلجي أراويهم

ماتوا من الضحك وأناا أسوي عمري ماقدر أضحك بس لضحكة تطلع ويوم الأربعا الي

طاف ربيعتي مال صف خامس يالسة تذكرني تقولي تذكرين يوم أنتي كنتي حاطة تقويم؟

وقاصة علينا وتمت تضحكك وأنا يالسة أضححك أقولها ماشاالله

للحين تتذكرين وتمينا نتذكر الأشياء الي صارت صف خامس وبس.

وفي مرة يوم كنا صف خامس كنا نكرهـ الموسيقى لأننا ماندرسها بس جيه نتم قاعدين يوم نسولف تتخبل الأبلة
بعدين نحن كان عندنا مشروع والبنات مال مشروعي ساروا الموسيقى وتمت وياي ربيعتي
بس هيه مو وياي بالمشروع وتمينا نسوي وبعدين بنت جان تيي جان تقول يلا تعالوا
أبلة المسيقى بتذبحكم تعالوا أحسن لكم وقلت لها يا فتانة أنتي خبرتيها صح؟
جان تقول والله مب أنا بروحها عرفت روحها البنت خريطة هيه خبرت الأبلة
وبعدين يوم سرنا المسيقى الأبلة وقفتنا أونه حذال الزبالة وأنا يالسة
آكل لبان وأوزع إبتسامات والأبلة يت وضربتنا بالعصاهـ مال الأكسليفون
وأنا زعلانة مو لفنسي لربيعتي مسكينة يالسة تساعدني وهيه مو من أعضاء المشروع مالي
والأبلة تضربها مسكينة همتني وااااايد دووم وياي فالباص وبالصف يعني ربيعتي
وكان كل الصف ربيعاتي ويموتون فيني

صراحة أحلى مرحلة للحين صــــ خامــــ ـــس ــــف

يوم كان آخر يوم فالمدرسة صف خامس يعني خلاص بنسير
مدرسة يديده ونحن من 5 سنين بالهمدرسة
وانا الخبلة آحااول أصيح مب قادرة أصلاً كنت فرحاانة لأني بسير مدرسة المطاف
والبنات كلهم مطنشيين
كلهم ساروا بيوتهم وعااادي عندهم جنه باجر بيون مرة ثانية ما ودعوا
ربعهم الي بينتقلون مدارس ثانية
ولا شي إلا أنا المسكينة أونه تميت اقول للبنات بنااات أقولكم ودي
أسير عند أبلة الرياضيات وأحضنها وأتم
أصييح والبنات الخباالة ساروا خبروها والأبلة تمت تضضحك وأنا منحررجة وجان تقول حليلج
حنوننة لمدرستج وترا أنا أي حد يمدحني أنحررج وأستحي واايد


وفي مرة أبلة التربية إسلامية يوم درستني صف رابع كانت توها راجعة مربية لا توها يت من الإجازة
أونه جان تقولي مريم تعالي وهمست فذوني مريم سيري غرفة المدرسات جوفي ولدي
يصيح ولا ساكت ؟ أركضي عقب أنا ركضت يوم جفته مايصيح خبرتها


وفي مرة يوم كنت صف خامس كانت هذي الأبلة الي بالموقف الي فوق مسوية دينية فلمدرسة
وشركت بنات طبعاً هيه ما بتسوي شي الا وبتشركني
بعدين سألت البنات شركتوا عبير الورد؟
جان يقولون لا ما نباها خل تولي هذوول أعدااء عافان الله

بعدين يت لي وحضننتني ترا سمعتهم كان علينا رياضة حضنتني وتمت تقولي جوفي ....ألخ
وأنا ويهي محمممممر أستحييت وااااايد تراني خجوولة واايد


وبـــــــــــــ بعدين بقول ممو كله مرة وحدة ـــــــــــــــــٍس